Ал 1909-жылы туулган. Балалык чагы оор болгон: 1916-жылдагы окуялардан кийин үй-бүлөсү менен бирге Кытайга качууга мажбур болгон. Кийинчерээк алар мекенине кайтып келишкен. Билим алуу үчүн Иса күн сайын 20 чакырымды жөө басып мектепке барып жүргөн, андан соң окуусун улантуу үчүн Фрунзе шаарына жөө келген.

Ал сталиндик репрессияларды башынан өткөрүп, эки жыл түрмөдө отурганына карабастан, медицинага жана илимге кайра кайтып келген. Ахунбаев Кыргыз ССР Илимдер академиясын түзүүнүн башында туруп, анын алгачкы президенти болгон.

Иса Ахунбаев Борбордук Азияда биринчи жолу жүрөккө операция жасаган, бул аймактагы медицинанын өнүгүшүндө жаңы доордун башталышы болгон. Ал кардиохирургия боюнча ири илимий борбор түзүүнү кыялданган, бирок ага жетишүүгө үлгүргөн эмес — бул кыялды анын шакирттери ишке ашырышкан.

 

 

1975-жылдын 5-январында Иса Ахунбаев жубайы, кызы жана күйөө баласы менен бирге автокырсыктан трагедиялуу түрдө каза болгон.

Анын ысмы Иса Ахунбаев атындагы Кыргыз мамлекеттик медицина академиясына (КММА) жана Бишкек шаарындагы Иса Ахунбаев көчөсүнө берилген.

2023-жылы Кыргыз Республикасынын Президенти Садыр Жапаровдун Жарлыгы менен Иса Ахунбаевге өлгөндөн кийин «Кыргыз Республикасынын Баатыры» жогорку наамы ыйгарылган.

Элине, илимге жана медицинага өмүрүн арнаган улуу инсанга таазим.