Билим берүү
28 Октябрь 2025
«Тиштерди эстетикалык калыбына келтирүү» боюнча аймактык олимпиаданын жеңүүчүлөрү терапиялык стоматология кафедрасынын башчысы, медицина илимдеринин доктору, профессор Куттубаева К.Б. менен биргеликте Екатеринбург шаарына барып, УГМУнун терапиялык стоматология жана стоматологиялык оорулардын пропедевтикасы кафедрасынын базасында өткөн финалга катышышты.
Мелдеш фантомдук моделдерде алдыңкы тиштердин анатомиялык формасын жана эстетикасын калыбына келтирүү боюнча практикалык тапшырманы камтыды. Катышуучуларга ар кандай түстөгү «Tokuyama Dental» фирмасынын композициялык материалдары берилди.
Олимпиаданын жыйынтыгы боюнча биздин студенттер төмөнкү орундарды ээледи:
• II даражадагы диплом – Абдижалилова Айтурган
• III даражадагы диплом – Насиридинова Азиза
Бул олимпиада жөн гана чеберчилик сынагы эмес, келечектеги стоматологдор үчүн баалуу тажрыйба болуп, алынган билимдерди чыныгы клиникалык практикага жакын шарттарда колдонууга мүмкүнчүлүк берди.