Пленардык бөлүгүндө катышуучулар медициналык университеттердин 2024–2025-жылдардагы кызматташтыгынын жыйынтыктарын чыгарып, 2025–2026-жылдарга биргелешкен иш-пландарын бекитишти. Талкууда студенттер менен окутуучулардын академиялык мобилдүүлүгүн кеңейтүү, жаңы биргелешкен изилдөө долбоорлорун ишке киргизүү жана университеттердин эл аралык деңгээлдеги позицияларын чыңдоо маселелери көтөрүлдү.

 

 

 

Андан кийин «Россия менен Кыргызстандагы медициналык билим берүүнү интернационалдаштыруу жана экспорттоо» аттуу тегерек стол өттү. Анда чет өлкөлүк студенттерди тартуу механизмдери, тажрыйба алмашуу жана билим берүү программаларын шайкештештирүү маселелери, ошондой эле ЕАЭБ алкагында бирдиктүү билим берүү стандарттарын түзүү келечеги каралды.

 

 

Өзүнчө сессия онкологияны окутуунун заманбап ыкмаларына арналды. Эксперттер илимий жетишкендиктерди окуу процессине киргизүү, онколог адистерди даярдоо жана медициналык билим берүүдөгү тармактар аралык кызматташуу маселелерин талкуулашты.

Теле-медицинанын өнүгүшүндө жасалма интеллекттин ролуна арналган тегерек стол өзгөчө кызыгууну жаратты.

Россиялык жана кыргызстандык адистер ооруларды аныктоодо жана алдын алууда ИИ колдонуунун практикалык мисалдарын сунуштап, келечектеги дарыгерлерди жаңы технологияларга окутуу, ошондой эле саламаттыкты сактоодогу этика жана коопсуздук маселелерин талкуулашты.

 

 

Программанын акыркы бөлүгү «Жогорку медициналык билим берүүнү интернационалдаштыруу шарттарында окутуучулардын кесиптик компетенттүүлүгүн жогорулатуу» аттуу сессия болду.